ഹേമാംബരത്തിലെ അമ്പിളിക്കല

നീണ്ട കാലത്തെ യാത്രയ്ക്ക് ശേഷം വഴിയിൽ ഒരു പാലമരത്തിൽ വിശ്രമിക്കുമ്പോൾ എന്റെ യക്ഷിപ്പെങ്ങൾ ഒരു മരം ഒന്നാകെ കുലുക്കി കുറേ ഞാവൽ പഴങ്ങൾ വീഴ്ത്തി. കഴിച്ചോളൂ അപ്പേട്ടാ! ഇതുമുഴുവൻ കഴിച്ചോളൂ! പക്ഷേ എന്നോട് അനിയത്തിമാരുടെ കഥ പറയണം! "മനുഷ്യർ പരസ്പരം കൂട്ടിച്ചേർത്തു കെട്ടിയ രുദ്രാക്ഷമാലകളാണ്.ആരോടെങ്കിലും സ്വന്തം കഥ ചോദിച്ചാൽ പറയും അറിഞ്ഞുകൂടാന്ന്, ഓർമ്മയില്ല എന്ന്.അതുകൊണ്ട് ആരുടേയും ശരിയായ കഥ എനിക്കറിയില്ല.

"പിന്നെ അപ്പേട്ടൻ പറയാറുണ്ടല്ലോ രക്തരക്ഷസ്സുകളോട് പോലും സ്നേഹം തോന്നി പോവുന്നത് അവരെ ഓർക്കുമ്പോഴാണെന്ന്.എന്നിട്ടെന്താ എന്നോട് പറയാത്തേ? ഞാൻ അവരുടെ ചോര കുടിക്കും എന്ന പേടിയാണോ?"

അല്ല. ഈ പറയുന്ന പെൺകുട്ടികളാരോടും ഞാൻ അവരുടെ കഥ ചോദിച്ചിട്ടില്ല.എനിക്കെപ്പോഴും നുണകൾ മതിയായിരുന്നു,അവരോരുത്തരും എനിക്ക് പേരെടുത്തു വിളിക്കാവുന്ന മിന്നാമിനുങ്ങുകളാണ് പക്ഷേ അവർ ആകാശത്തെ നക്ഷത്രങ്ങളും, കടലിൽ ചിപ്പികളുമാണ്.ഇവയുടെ മുന്നിന്റേയും രഹസ്യങ്ങളാണ് ഭംഗി.അതുകൊണ്ടാണ് ചോദിക്കാത്തത്. അവൾ പിണങ്ങി."വെറുതെ അല്ല മനുഷ്യരുടെ ചോര കുടിച്ചു പോവുന്നത്,നിങ്ങളും നിങ്ങളുടെ കടംകഥകളും!

അപ്പോഴാണ് മാനത്ത് അമ്പിളി വന്നത്.പൂർണ്ണ ചന്ദ്രൻ! അപ്പോൾ അവൾ ചിണുങ്ങി"എന്നാൽ അമ്പിയെപ്പറ്റി ഒരു കെട്ടുകഥ എങ്കിലും പറ..
പറയാം.. ഇന്നവളുടെ ജന്മനക്ഷത്രം ആണ്.
പക്ഷേ നീ ഇടയ്ക്ക് യക്ഷിയാവരുത്
അമ്പിയുടെ അമ്മ ഞങ്ങളുടെ സ്കൂളിലേക്ക് സ്ഥലം മാറി വന്നപ്പോൾ അവളെ കണ്ടതാണ് ഹേമടീച്ചറിന്റ ഒറ്റപ്പുത്രി അമ്പിളിയെ.രണ്ട് വർഷം ഇളയതാണെങ്കിലും ക്ലാസിൽ ആരും അവളെ പേടിപ്പിച്ചിട്ടില്ല,പ്രേമിച്ചിട്ടുമില്ല.അത്രയ്ക്ക് പേടിയായിരുന്നു ഹേമടീച്ചറെ ഞങ്ങൾക്ക്.ആദ്യമൊക്കെ ടീച്ചർ തല്ലിയവരുടെ പ്രാക്കേന്തിയ നോട്ടങ്ങൾ, അവളുടെ സൗന്ദര്യത്തിൽ അസൂയ പൂണ്ട വരുടെ "സുന്ദരിക്കോത"വിളികൾ.ഇങ്ങനെ ആ അമ്പിളിക്കല പലർക്കും അമാവാസിയായി.അന്ന് ആ പിടി പിരിയഡ്അവളുടെ അമ്മയുടെ ശബ്ദം അടുത്ത ക്ലാസ്സിൽ കേട്ട് വീൽചെയറിൽ നിന്ന് നടുങ്ങി താഴെ വീണപ്പോൾ അമ്മയുടെ നിയമങ്ങൾ കാറ്റിൽ പറത്തി
എന്നെ ക്ലാസ് മുറിയിൽ വന്ന് പിടിച്ചെഴുനേൽപ്പിച്ചപ്പോൾ,അവളെനിക്ക് അനുജത്തിയായി. അന്ന് അമ്മയുടെ കയ്യിൽ ചൂരൽ കൊടുത്തു കൈ നീട്ടി നിന്നപ്പോൾ ആ ഫിസിക്സ് ടീച്ചർ പെട്ടെന്ന് അമ്മയായി ഞങ്ങളെ കെട്ടിപ്പിടിച്ചപ്പോൾ . ആ അമ്മയും എന്റേതായി
അതുകഴിഞ്ഞൊരു ദിവസം.., പരീക്ഷ കഴിഞ്ഞ് വീട്ടിലേക്ക് നേരത്തെ പോയ അമ്പിയെ വണ്ടി തട്ടി. പരീക്ഷാ പേപ്പർ തന്ന് ഹേമ ടീച്ചർ എല്ലാരുടേയും മുന്നിൽ വച്ച് ചൂരൽ വടി വലിച്ചെറിഞ്ഞു പറഞ്ഞു "എല്ലാരും ഇനിയെങ്കിലും ഒന്ന് പ്രാർത്ഥിക്കു വോ എന്റെ മോൾ ഒന്നു നടക്കാൻ"എനിക്ക് കൊടുക്കാൻ എന്റെ വൈകുന്നേരങ്ങൾ മാത്രമാണ് ഉണ്ടായിരുന്നത്. ഒരു കാര്യവുമില്ലാതെ ഞാൻ ടീച്ചറുടെ വീട്ടിൽ ട്യൂഷന് പോയത് അവർക്ക് രണ്ടു പേർക്കും വേണ്ടിയാണ്.മനസ്സില്ലാമനസ്സോടെ എനിക്ക് ക്ലാസെടുക്കുമ്പോളും ടീച്ചർ അവളുടെ വിളിക്ക് കാതോർത്ത് ഇരിക്കും.വിളി വന്നാൽ പഠിപ്പൊക്കെ കാട്ടിൽ വിട്ട് അവളുടെ മുറിയിലേക്ക് ഓടും.സ്കൂളിലെ ആരെങ്കിലും എപ്പോഴും കാണാൻ വരും.ചേട്ടൻമാർ അവൾക്ക് വരകളും പൂക്കളും സമ്മാനിച്ചു, ചേച്ചിമാർ അവൾക്ക് മാത്രമായി അടുക്കളയിൽ പലതും ഉണ്ടാകുകയും ചെയ്തു.അങ്ങനെ ആറുമാസം കൊണ്ട് അവൾ എഴുന്നേറ്റു നിന്നു, പിന്നെ നടന്നു, നൃത്തം ചെയ്തു.
എന്നിട്ട്? ഇത് ചോദിക്കുമ്പോൾ യക്ഷിപ്പെങ്ങളുടെ കാലുകൾ നിലത്ത് മുട്ടിയിരുന്നു!
അവൾ ഇപ്പോഴും മുറിയിൽ നൃത്തം ചെയ്യുന്നു.കുട്ടികൾക്ക് പറഞ്ഞും കൊടുക്കുന്നുണ്ടാവാം "കാണണം എന്നില്ലേ?" ഞാൻ എടുത്തുകൊണ്ട് വരട്ടേ?" യക്ഷിപ്പെങ്ങൾ ചോദിച്ചു.
വേണ്ട.അവൾക്ക് നമ്മളെ കാണാൻ നേരമായില്ല.വരട്ടേ തൽക്കാലം നിന്റ കണ്ണിൽ നിന്നിറങ്ങിയ ചോരത്തുള്ളികൾകൊണ്ട് അവളുടെ മുറ്റത്ത് നമുക്ക് ഒരു രക്തപുഷ്പ്പം വിരിയിക്കാം കാറ്റിനോട് പറ! അവൾ യക്ഷിയമ്മയെ പ്രാർത്ഥിച്ചു. കാറ്റിൽ രണ്ടു രക്താശ്രുബീജങ്ങൾ ഒഴുക്കിവിട്ട് ഞങ്ങൾ കൈലാസത്തിലേക്ക് പറന്നു

തലച്ചോർ എന്ന മഹാസംഭവം!

\Human Augmentation is the collective efforts towards enhancing the limited abilities of the human body. Literally unlocking it.

പക്ഷേ ഓഗ്മെന്റേഷൻ ആദ്യമായി കാണുന്നത് ഇഫ്ലുവിൽ ആണ്.ആളുകൾ വീൽചെയറിൽ സഞ്ചരിക്കുന്ന കണ്ടപ്പോൾ ആണ് ഞാൻ എന്റെ പേരിനൊപ്പം halfman halfmachine എന്നു ചേർത്തത്. അവിടെ വച്ചാണ് വീൽചെയർ കൊണ്ട് പലതും ചെയ്തു പഠിച്ചത് 

‌ഞാൻ ഇഫ്ലുവിൽ എത്തുന്നതിനു മുൻപേ തന്നെ എന്റെ മനസ്സിൽ ഓഗ്മെന്റേഷന്റെ ചിന്ത മനസ്സിൽ കയറിക്കൂടാൻ കാരണം എന്റെ വീട്ടുകാരും ചില ടീച്ചേഴ്സും ആണ്.പ്ലസ് വൺ ക്ലാസിലാണ് ആദ്യമായി എന്റെ തലച്ചോറിൽ കോർട്ടിക്കൽ പ്ലാസ്റ്റിസിറ്റിയും മിറർ ന്യൂറോ ണുകളും(അന്ന് ഇതിന്റെ ഒന്നും പേര് അറിയില്ലായിരുന്നു . please see below) എങ്ങനെ വർക്ക് ചെയ്യുന്നു എന്ന് മനസ്സിലാക്കാൻ കഴിഞ്ഞത്.അതിന് കാരണം ലേഖ മിസ്സിന്റെ ബിസിനസ് സ്റ്റഡീസ് ക്ലാസ് ടെസ്റ്റാണ്, അനിൽ സാർ തന്ന നോട്ടിന്റെ ബലത്തിൽ ഞാൻ പഠിക്കാനിരിക്കുന്നത് ടെസ്റ്റിന് രണ്ടു ദിവസം മുൻപ് മാത്രം

. പക്ഷേ ആ ചാപ്റ്റർ നോട്ടിൽ ഉൾപ്പെടുത്താൻ സാറിന് സമയം കിട്ടിയില്ല.എന്തുചെയ്യും?"വിളക്കിൽ എന്റടുത്ത് നടപ്പില്ല" എന്നു പറഞ്ഞ് ക്ലാസ് തുടങ്ങിയ ആളിനോട് ടെസ്റ്റിന്റെ തലേന്ന് വിളിച്ച് എങ്ങനെ ഇതൊക്കെ പറയും?  ഒറ്റയടിക്ക് പത്ത് മണിക്കൂർ കൊണ്ട് ചാപ്റ്റർ വായിച്ചു നോട്ടുണ്ടാക്കി... റിസൽട്ട് പ്രഖ്യാപിച്ചപ്പോൾ ഞാൻ രണ്ടാമത്.പിന്നീടൊരിക്കൽ എ2 ക്ലാസിൽ വച്ച് മിസ്സിനോട് ഇത് പറഞ്ഞപ്പോൾ പാവം അന്തം വിട്ട് പറഞ്ഞു "അയ്യോ നിനക്കൊരു വാക്ക് പറഞ്ഞ് കൂടായിരുന്നോന്ന്.പക്ഷേ ഞാൻ ടോപ്പറാവുന്നതിന് മുന്പ് മിസ്സ് സ്ഥലം മാറ്റം കിട്ടി പോയി

 

എന്റെ വീട്ടിൽ വൃത്തി ഭയങ്കര വലിയ സംഭവമാണ്.(പൊതുവേ എല്ലാ വീട്ടിലും) എന്റെ പാവം ശരീരത്തിന് എല്ലാം വൃത്തികേടാക്കനാക്കാനേ അറിയുള്ളു. അങ്ങനെ വീട്ടിൽ ഞാൻ വർഷങ്ങൾക്കു മുന്നേ വൃത്തികുറഞ്ഞവനായി.എന്റെ ചേട്ടനാണെങ്കിൽ ഭയങ്കര വൃത്തിയാണ്.പുള്ളിക്കാരന് അതൊരു ഫിലോസഫിയാണ്.ഇപ്പോൾ അവർക്ക് മനസ്സിലായിട്ടുണ്ട് എന്നെ പറഞ്ഞു തിരുത്താൻ പറ്റില്ലെന്ന്

.പറഞ്ഞുവന്നത് വൃത്തി, ഭംഗി,കയ്യക്ഷരം ഇതിന്റെയൊക്കെ പേരിൽ ഒരുപാട് വേദനിച്ചിട്ടുണ്ട്.എഴുത്ത് സ്ലേറ്റിലും,വരയിടാത്ത ബുക്കിലും വാക്കുകൾ ലാലേട്ടന്റെ തോളിനേക്കാളും ചരിഞ്ഞ് പോവും.  കോപ്പി ബുക്കുകൾ വെറും പ്രഹസനം ആയിരുന്നു.കോളേജിൽ പഠിപ്പിക്കാൻ ചെന്നാലും ബോർഡിലെഴുതാൻ എനിക്ക് ഇപ്പോഴും പേടിയാണ്. എട്ടാം ക്ലാസിൽ പഠിക്കുമ്പോൾ ഒരു ബി എഡ് വിദ്യാർത്ഥിനി (കുട്ടി ടീച്ചർ) എന്റെ നോട്ടിൽ കുറിച്ചത് neatness എന്നാണ് (ഡിസബിറ്റിയെക്കുറിച്ചും,ഇൻക്ലൂസീവ് ലേണിംഗിനെക്കുറിച്ചും പുള്ളിക്കാരി പഠിച്ചിട്ടുണ്ടൊന്ന് അറിയില്ല) പക്ഷേ അത് ചെയ്തില്ലെങ്കിൽ  അവർക്ക്  മാർക്ക്  കിട്ടില്ലായിരിക്കം.  എന്നാലും കമ്പ്യൂട്ടർ തലച്ചോറിൽ പിടിപ്പിച്ചു മിടുക്കനാവാൻ 

കൊതിയായിരുന്നു.നാഡീവ്യൂഹത്തേപ്പറ്റിയും തലച്ചോറിനെപ്പറ്റിയും ക്ലാസെടുത്തവർക്ക് പോലും അതൊരു പുതിയ അറിവായിരുന്നു.ഞാൻ ഏഴാം ക്ലാസിൽ എഴുതിയ കഥ ചിന്തിക്കുമ്പോൾ എഴുതുന്ന പേനയെക്കുറിച്ചാണ്

 

When society pins you to the wall with their all their bloody rules  Augmentation and adaptation is nothing short of a super punch. Listen to music, and just unlock your brain

an article on Human Augmentation

https://www.freshconsulting.com/what-is-human-augmentation/#:~:text=October%2023%2C%202019&text=A%20common%20definition%20of%20human,add%20to%20the%20human%20body%E2%80%9D.&text=Eyeglasses%2C%20pacemakers%2C%20prosthetics%2C%20wearable,of%20augmentations%20under%20this%20definition.

ടീച്ചർക്ക് എന്റെ ചേച്ചിക്ക്,

ചിലർ നമ്മുടെ ജീവിതയാത്രയിലേക്ക്  പെട്ടെന്ന് കടന്നു വരും എന്നിട്ട് നമുക്ക് സ്നേഹിച്ച് കൊതിതീരും മുമ്പ്  അവരുടെ സ്റ്റോപ്പെത്തുമ്പോൾ ഇറങ്ങിപ്പോവും.പിന്നെ ഏതെങ്കിലും ഒരിടത്ത് വച്ച്  ചിലർ  തിരിച്ചു വരും, നമ്മളറിയാതെ.... അങ്ങനെ വന്ന ഒരാൾ- നയന എന്ന എന്റെ ടീച്ചറേച്ചി. 

 

എന്റെ  ഹൈസ്കൂൾ, ഹയർ സെക്കൻഡറി  പഠനകാലത്ത്  എന്നെ  വെറുപ്പിച്ച ഒരു പരിപാടി ആയിരുന്നു  മലയാളം അധ്യാപകരുടെ മാത്രം  ആറാറു മാസം കൂടുമ്പോഴുള്ള സ്ഥലം മാറ്റം! . മറ്റു വിഷയങ്ങൾ കൈകാര്യം ചെയ്യുന്ന അധ്യാപകർ വർഷങ്ങൾ  ഒരേ  വിദ്യാലയത്തിൽ തുടരുമ്പോൾ  ഇവരെ മാത്രം തൃശൂർ പൂരത്തിന്റെ കുടമാറ്റം പോലെ മാറ്റുന്നത് എന്തിനാണ് എന്ന് അന്നത്തെ കാലത്ത് മനസ്സിലായില്ല.

പണ്ടുമുതലേ മലയാളം അധ്യാപകരുടെ കണ്ണിലുണ്ണി  ആയിരുന്ന എനിക്ക് ഈ പരിപാടി കാരണം  അവരെ ആരേയും  അടുത്തറിയാൻ കഴിഞ്ഞില്ല.  പരിചയപ്പെട്ട് വരുമ്പോഴേക്കും അവർ വേറൊരു സ്കൂളിലേക്ക് യാത്രയാവും.പൂരപ്പറമ്പിലെ കളിപ്പാട്ടക്കച്ചവടക്കാരെ പോലെ....

 പത്താംക്ലാസ്   പരിക്രമണം കഴിഞ്ഞു  ശ്യൂന്യാകാശത്തേക്ക് തെറിച്ചു പോവുമായിരുന്ന എന്നെ അനിൽ  സാർ കൊമേഴ്സിന്റെ  ഭ്രമണപഥത്തിലേക്ക് പിടിച്ചിട്ടു.  

ഒരു വർഷം കഴിഞ്ഞ് 2012 ജൂലായ് മാസത്തിൽ  നയന  അന്ന ജേക്കബ് (ഇപ്പോൾ നയന ജിസ്സ്)  പെട്ടെന്ന് മലയാളം പാഠപുസ്തകവും കൊണ്ട് ക്ലാസ് മുറിയിലേക്ക് കയറിയത്. അതൊരു ഒന്നൊന്നര വരവായിരുന്നു!

ടീച്ചർക്ക് എന്റെ ചേച്ചിക്ക്,

സുഖമാണോ എന്ന ചോദ്യം തന്നെ അപ്രസക്തമാണ് എല്ലാവരും കൊറോണ വൈറസ് എന്ന വില്ലനെ പേടിച്ച് വീട്ടിലിരിക്കുന്ന കാലത്ത് സേഫല്ലേ എന്ന ചോദ്യം തന്നെയാണ്  നല്ലത്. നമ്മൾ വാട്ട്സ്ആപ്പിൽ കണ്ടപ്പോൾ പറഞ്ഞ പോലെ ഞാൻ അത്ര നല്ല  അവസ്ഥയിൽ അല്ല. ശരീരത്തിനേക്കാൾ പ്രശ്നം മനസ്സിലാണ്. അവ. നീർക്കെട്ടായും തലവേദനയായും പ്രകടിപ്പിക്കുകയാണ്.പക്ഷേ  ടീച്ചർക്ക് വേണ്ടി എഴുതുമ്പോൾ അത്  എനിക്ക് വേണ്ടിക്കൂടിയാണ്

‌സ്വതവേ മലയാളം ഒരു  അലമ്പാനുള്ള ഒരു പിരീഡ് മാത്രമായി കണ്ടിരുന്ന ചിലരെ  വളരെ ഒച്ചയുറപ്പോടെ  അനുസരിപ്പിച്ച അധ്യാപിക എനിക്ക് അന്നൊരത്ഭുതമായിരുന്നു. അതിന്റെ പേരിൽ ക്ലാസിലുള്ള പുറത്താക്കാൻ നോക്കിയപ്പോഴും തന്റെ നിലപാടുകളിൽ ഉറച്ചു നിന്ന വ്യക്തിയെ ഞാൻ ഇന്നും ഓർക്കുന്നു എനിക്ക് വേണ്ടി രണ്ടു മിനിറ്റിനുള്ളിൽ   കവിതയുടെ പുതുശൈലി ഒരു ലൈവ് കുക്കറി ഷോ ആയി കാട്ടി തന്ന ന്യൂ ജനറേഷൻ കവയിത്രിയെ  വായിക്കാൻ ഇഷ്ടമാണ് ഇന്നും. ഫസ്റ്റ് ഇയർ റിസൽട്ട് വന്നതിന് ശേഷമുള്ള പിടിഎ മീറ്റിംഗിൽ എന്നെ "നല്ല കിടിലൻ മാർക്കാണല്ലോ,  ഇനിയെന്ത് വേണം?"  എന്ന്  ചോദിച്ച സുഹൃത്തിനെയോർത്ത് നഷ്ടബോധവും തോന്നിയിട്ടുണ്ട്.അതേസമയം ഒരു  ഈഗൊയുമില്ലാതെ സ്വന്തം വിഷയത്തിന്റെ പരീക്ഷ എന്നോടൊപ്പം ഇരുന്നെഴുതിയപ്പോൾ ടീച്ചർ ശരിക്കും എനിക്ക് ചേച്ചിയായത്. എനിക്ക് ഇഫ്ലുവിൽ  കിട്ടാതെ പോയ വാത്സല്യം.
‌ഒഡ്ഡീസിയസ്സിന് പ്രക്ഷുബ്ധസാഗരത്തിൽ അദൃശ്യയാ യി വഴികാട്ടിയ അഥീനയെപ്പോലെ

എനിക്കും കൊതികളുണ്ട്.എന്റെ ബന്ധം ഒരു സിനിമ ആവണമെന്നും. അതിൽ പാർവ്വതി തിരുവോത്ത് ടീച്ചറുടെ വേഷം ചെയ്യണമെന്ന് ഒരു കൊതി . ഇഫ്ലുവിൽ എന്റെ പ്രബന്ധ ഭാരം  ഇറക്കി വച്ച്. മലയാളത്തിലേക്ക് മടങ്ങി വരണം ,പഠിക്കാൻ ആ ക്ലാസ് മുറിയിലേക്ക് കയറുമ്പോൾ  മനസ്സിൽ എന്നെ മലയാളം പഠിപ്പിച്ച മാലാഖയുടെ ചിരിക്കുന്ന മുഖവും, "ഹിഗ്വിറ്റ"യുടെ  ആരവവും ഉണ്ടാവും...

കാറ്റിന്റെ മകൾ

കാറ്റിൽ നിന്നും വേർപെട്ട്,ദൂരെ മെയ്യുന്ന  മഴക്കാർകുതിരകളുടെ അങ്കംകണ്ട്,നിസംഗയായവൾ ഇരുന്നു.
അമ്മക്കാറ്റ് അപ്പോഴും അവളുടെ മുടി കോതി ഒരു കിരീടം ചമയ്ക്കുന്നുണ്ടായിരുന്നു, കാറ്റിന്റെ വളർത്തുമകൾക്ക് പക്ഷേ കിരീടം  അവളെ മണ്ണിനോട് ചേർത്തു കെട്ടിയ  ചങ്ങലക്കെട്ടിലെ തലവളയമായിരുന്നു.
അപ്പോഴും കുരുങ്ങിയ പട്ടത്തിൻ്റെ അലുക്കുകൾ പോലെ വലംകൈ അരികിൽ വിറച്ചു കൊണ്ടിരുന്നു
തന്റെ അസ്ഥിത്വം പക്ഷേ അവളുടെ  വലതുകരത്തെ തന്നിലേക്ക് തന്നെ കൊളുത്തി നിർത്തി, ശിരസ്സിലെ ഓർമ്മക്കല്ലിൽ നിന്ന് വിടുതൽ എളുപ്പമായിരുന്നില്ല, എങ്കിലുമവൾ കണ്ണുചിമ്മാതിരുന്നു , സ്വപ്നത്തിലെന്നപോലെ കുതിരകൾ ക്ക് പിറകേ പായാൻ സ്വതന്ത്രയാവാൻ വേണ്ടിയപ്പോളും അബോധത്തിൽ ഇടതുകരം, കാലിൽ  സ്വാതന്ത്ര്യത്തിന്റെ രണ്ടാം പഴുത് തിരഞ്ഞു

ഞാൻ എങ്ങനെ ഒരു സൈബോർഗ്ഗായി? How i became a cyborg

ഞാൻ എങ്ങനെ ഒരു സൈബോർഗ്ഗായി?
ഇഫ്ലൂ (The English and Foreign Language University, Hyderabad) എന്ന എന്റെ ക്യാമ്പസിൽ ഞാൻ അറിയപ്പെടുന്നത് ഒരു സൈബോർഗ്ഗായാണ് . പക്ഷേ ആ പേര് എനിക്ക് ഞാൻ തന്നെ ഇടാന് കാരണം പത്താംക്ലാസിലെ എന്റെ ക്ലാസ് ടീച്ചർ ആണ്. പുള്ളിക്കാരി കണക്കാണ് പഠിപ്പിച്ചത്.അതുകൊണ്ടുതന്നെ ഞങ്ങൾ തമ്മിൽ ഒരു ശീതസമരം തുടക്കം മുതലേ ഉണ്ടായിരുന്നു.നമ്മുടെ കടുവാ ചാക്കോ യെപ്പോലെ ടഫ് ലൗവിൻ്റെ ആളായിരുന്നു.എന്നുപറഞ്ഞാ കണക്ക് സിമ്പിൾ ആണ് പവ്വർ ഫുള്ളും പക്ഷേ എല്ലാർക്കും അങ്ങനെ അല്ലല്ലോ അല്ലേ?
ഞാൻ ക്ലാസ്സിൽ വരാത്ത ഒരു ദിവസം പുള്ളിക്കാരി പറഞ്ഞത്രേ" ആർക്കും കണക്കോന്നും വേണ്ട എല്ലാരും അവരവരുടെ മായാലോകത്താണ് ടീച്ചർ അന്ന് അതിന്റെ ഉദാഹരണമായി എന്നെയും എന്റെ കമ്പ്യൂട്ടറിനേയും ചുണ്ടിക്കാണിച്ചെന്ന് പറഞ്ഞത് എന്റെ ക്ലാസിലെ ആകാശ് കെ യു ആണ്.അപ്പോൾ തോന്നിയ കലിപ്പിന് ഞാൻ തീരുമാനിച്ചു എന്നാലങ്ങനെ തന്നെ.അന്നുരാത്രി തന്നെ ജിമെയിൽ അക്കൗണ്ട് തുടങ്ങി.,sujith.cyborg@gmail.com.!! ആ ചൈനയിലാണ് ശങ്കറിന്റെ ബ്രഹ്മാണ്ഡ ചിത്രം യെന്തിരൻ റിലീസ് ആയതും.പത്തുവർഷത്തിനിപ്പുറം ഞാൻ റിസർച്ച് ചെയ്യുന്നതും ഈ മായാലോകത്തെപ്പറ്റിയൊക്കെത്തന്നെ(Digital World and Human Consciousness).
സത്യത്തിൽ നമ്മളൊക്കെ പേന പിടിച്ചു എഴുതുമ്പോൾ തന്നെ സൈബോർഗ്ഗായി മാറുകയാണ്.നമ്മുടെ പൂർവ്വികർ എഴുത്താണിയും അതിനും മുമ്പ് കല്ലുളിയും ഉപയോഗിച്ചിരുന്നപ്പോളും സൈബോർഗ്ഗുമാരായിരുന്നു!! തള്ളല്ല, മാതൃഭൂമി ആഴ്ചപ്പതിപ്പിൽ ഇഫ്ലൂ ഹൈദരാബാദ് ക്യാമ്പസിലെ അദ്ധ്യാപകൻ ഡോക്ടർ ടി ടി ശ്രീകുമാർ എഴുതിയ ലേഖനം വായിച്ചു നോക്കാം. പക്ഷേ ഇപ്പോളാണ് എന്റെ ഇരട്ടപ്പേരിൻ്റെ പിന്നിൽ ഇത്രയൊക്കെ തിയറി ഉണ്ടെന്ന് ഇപ്പോളാണ് മനസ്സിലാവുന്നത്
ടീച്ചറുടെ വാക്കും കേട്ട് ഞാൻ കമ്പ്യൂട്ടർ തൂക്കി വിറ്റിരുന്നെങ്കിൽ,ഞാൻ ഇഫ്ലുവിൽ എത്തുമോന്ന് തന്നെ അറിയില്ല.
അനുസരണക്കേട് നല്ലതാ, ഇച്ചിരി വിപ്ലവൊം

.Among most efluites I am known as Sujith The "Cyborg." However, there is a story about how I chose that nick name; it was my highschool days when Full "A+" was spelled out as success.My then class teacher, a mathomaniacal purist, declared one day that "well some people are deluded from studies, trapped in their favourite worlds",and she made me an example as I was absent,and I was told to be "corrupted by computers" . I made a decision that day,to become one cyborg!! I made my well known mail id sujith.cyborg@gmail.com that day.
Now, ten years later, everyone has accepted digital learning as a norm. Posthumanist scholars confirmed that all of us have been cyborgs all along,while writing with quills,using tools from ancient times !! How's that .as a researcher that corrupted boy is unlocking Human Consciousness and Digital World... if I had listened to her and sold away my computer, your cyborg wouldn't have made it to eflu.
Disobedience is worth it guys,and rebellion is good.

പാവ: ഓർമ്മയിൽ നിന്നു തുടങ്ങുന്ന പരിണാമം

തലച്ചോറിലെ ഓർമ്മ നാരുകൾ നമ്മളുദ്ദേശിക്കുന്നതിലുമെത്രയോ ലോലമാവാം,പരുക്കനോർമ്മകളൊക്കെ ചാക്കുനൂൽക്കെട്ടാവം പരുത്തിയോ ബാല്യസ്മൃതികളുടെ പൊട്ടിയബട്ടണുകൾ
ചേർത്ത അമ്മനാരാവാം, അച്ഛന്റെ നിറത്തോർത്തിൽ നിന്ന് നിലത്തുവീണ വാത്സല്യനൂലുമാവാം
എന്നാൽ ചിലപ്പോൾ മരണത്തിന്റെ ചിലന്തി വലയിൽ പെട്ടുനാം കാണാതെ ചിലത് ദ്രവിച്ചു പൊവുന്നു
നമ്മളൊക്ക പാവകളായി മാത്രം മാറുന്നതീ
ഓർമ നൂലുകൾ പൊട്ടിപ്പോവുമ്പോഴാണ്
എന്നിട്ട് നാം ജീവിതത്തിൽ പാറിപ്പറക്കുമ്പോൾ സമൂഹം നമ്മളിലേക്ക് പുതുനുലൂകൾ തുന്നപ്പെടുന്നു;
ജാതിയും മതവും പേരെന്ന പേരിൽ തലച്ചോറിലെല്ലായിടത്തുമാരോ പച്ചകുത്തുന്നു, വിദ്യാഭ്യാസം സമൂഹത്തിന്റെ  നല്ലതും ചീത്തയും തുന്നിവയ്ക്കുന്നു
.
 തലയ്ക്കുള്ളിൽ.. പതുക്കെയാ നൂലുകൾ പിണഞ്ഞു ചരടായിപേശികളിൽ കെട്ടുവീഴുന്നു.കൈകളും, കാലുകളും വായും നാവും ഒന്നാകെ പുറം കൂട്ടിക്കെട്ടി ചരടുകൾ മുകളിലേക്ക് നീണ്ടുപോവുമ്പോൾ നാം പൗരനെന്ന  പാവയാവുന്നു നമ്മൾക്കൊർമ്മൾ പോലും ഫീഡാവുന്നു, ആ.നാരുകൾ സ്റ്റോറികളായ് നാം തന്നെ കണ്ടു റിയാക്ഷനുകൾ നോക്കി യിരിക്കവേ നാം പെട്ടെന്ന് മരിച്ചു പോവുന്നു. അപ്പോളെല്ലാവരും പറയും
പാവമിന്നോരു പാവ(കൾ) മരിച്ചു പോയി.
ഒരു ചോദ്യം ജിവിക്കുന്ന നിങ്ങളുടെ തലച്ചോറിൽ ഓർമ്മനാരുകൾ എത്ര ബാക്കി???

ഒരു വർക്ക് ഫ്രം ഹോം വിഷുരാത്രി.

ഉണ്ണിക്കണ്ണൻ വിഷുത്തലേന്ന്  രാത്രി ഗുരുവായൂർ ക്ഷേത്രത്തിൽ നിന്ന് മതിൽചാടി.

 ഒരു കുഞ്ഞു പോലും  ആ വഴിയിലെങ്ങും ഇല്ലായിരുന്നു.കാരണം, അന്നും കേരളമൊട്ടുക്ക് ലോക്ക് ഡൗൺ തന്നെയാണ്. അത് കൊണ്ട് തന്നെയാണ് കണ്ണൻ ഇങ്ങനെയൊരു തീരുമാനം എടുത്തത്. തന്റെ മയിൽപീലിയുടെ ഇൻഫ്രാ ബ്ലൂ ഫ്ലാഷ് ലൈറ്റ് ഓണാക്കി കണ്ണൻ നടന്നു. "സാധാരണ എല്ലാ വർഷവും വിഷുവിന് രാത്രി തന്റെ മുന്നിൽ സാധനങ്ങൾ നിരത്തി വെച്ചിട്ട് തന്നെ പോസ്റ്റാക്കി കിടന്നുറങ്ങണ നാട്ടാർക്ക് ഇത് ഒരൊന്നൊന്നര പണിയായി പൊയി, എന്നാലും സാരമില്ല, ഇങ്ങനെയെങ്കിലും ആ ഭൂമിദേവിക്ക് കുറച്ചുകാലം ചില്ലടിച്ച് ഇരിക്കാം... ഇവന്മാർ പുറം തള്ളുന്ന വിഷം അടിക്കാണ്ട്..  കാളിയനൊക്കെ എന്ത് പാവാരുന്നു" ഇങ്ങനെ പിറുപിറുത്തു കൊണ്ട് നടക്കുമ്പോളാണ് ആ ബോർഡും ഗേറ്റും  കണ്ടത്. പകച്ചുപോയി കണ്ണൻ! "

"ശ്രീ മാധവം അപ്പാർട്ട്മെന്റ്സ്! പേര് കേട്ടാൽ തോന്നും  ഗുരുവായൂർ അമ്പലത്തിൽ അല്ല ഇവിടെയാണ് കണ്ണൻ താമസമെന്ന്.ഇതിന്റെ പേരിൽ താൻ എത്രയാണ് അനുഭവിക്കുന്നത് എന്ന് ഈ പേരിട്ട കശ്മലൻമാർ അറിയുന്നുണ്ടോ? ഇല്ല.ചുമ്മാ നല്ലതിനും കെട്ടതിനും തന്റെ പേരിടും.ചിട്ടിക്കമ്പനി മുതൽ പപ്പടത്തിന് വരെ... എന്നിട്ട് ദൈവങ്ങളുടെ ഇടയിൽ മൊത്തം ചീത്തപ്പേരാണ്. വെണ്ണ മാത്രം കട്ടിട്ടും പലരും തന്നേയും ലക്ഷ്മിയെയും പറ്റി പല ആരോപണങ്ങളും ഉന്നയിക്കുന്നു ഇനി തന്റെ പേര് ഉള്ള ഏതെങ്കിലും സ്ഥാപനത്തിൽ ആരെങ്കിലും എന്തെങ്കിലും ഉടായിപ്പ് കാണിച്ചാലും ഇനി  കഷ്ടകാലത്തിന്  പ്രസ്ഥാനം ക്ലച്ച് പിടിച്ചില്ലെങ്കിലോ  പറയും പേരിന്റെയാണ് പ്രശ്നം എന്ന് . ലക്ഷ്മിക്കാണെങ്കിലും  സംശയം ആണ്.അവൾ ഈ ലോകത്തിന്റെ മൊത്തം ബാങ്ക് മാനേജർ ആയതുകൊണ്ട് തന്നെ അവൾ പണപ്പെട്ടിക്ക്   അടുത്തേക്ക്  പോലും അടുപ്പിക്കില്ല. വട്ടച്ചെലവിന് എന്തേലും ചില്ലറ ചോദിച്ചാലും ഈട് കൊടുക്കണം ഇതുവല്ലതും ഈ മനുഷ്യർക്ക് അറിയണോ  ? ആരോട് പറയാൻ?... ഇങ്ങനെ ചിന്തിച്ചു കലിപ്പിൽ നിൽക്കുമ്പോഴാണ് പെട്ടെന്ന് ആ ശബ്ദം...

ആ ശബ്ദം മറ്റൊന്നുമായിരുന്നില്ല. അത് കൃഷ്ണന്റെ ബ്ലൂടൂത്ത് മയില്‍ പീലി ആയിരുന്നു. തന്റെ മയില്‍പീലിയില്‍ പിങ്ക് നിറം മിന്നുന്നത് കണ്ട് കൃഷ്ണന് കാ,ര്യം മനസ്സിലായി. ഏതോരൂ പെണ്‍കൊടിക്ക് തന്റെ ഇമ്മീഡിയറ്റ് സര്‍വീസ് ആവശ്യമുണ്ട്. പിങ്ക് നിറത്തിന്റെ തീവ്രത വച്ച് നോക്കിയാല്‍ തന്റെ ഭക്ത വളരെ അടുത്താണ്.

ചിലപ്പോള്‍ ഈ അപ്പാര്‍ട്മന്റില്‍ തന്നെയായിരിക്കും. ഏതായാലും വന്നു. ആളെയൊന്ന് കണ്ട് കളയാം. തന്റെ പേരിലുള്ള ആ വലിയ ഫ്ലാറ്റ് സമുച്ചയത്തിലേക്ക് കണ്ണന്‍ ഒാടിക്കയറി. ഓടക്കുഴലെടുത്ത് ഒന്ന രണ്ട് നോട്ട് വായിച്ചു. അപ്പോള്‍ തന്നെ ഗേറ്റുകള്‍ തുറന്നു. ലിഫ്റ്റ് മലര്‍ക്കെത്തുറന്നു. ഏതായാലും കഴിഞ്ഞ ദിവസം ടൂള്‍സൊക്കെ അപ്ഗ്രേഡ് ചെയ്തത് നന്നായെന്ന് കണ്ണനു തോന്നി.(മനുഷ്യര്‍ക്ക് മനസ്സിലാവാത്തൊരു സത്യമുണ്ട്. അവര്‍ക്കിടയില്‍ മാത്രമല്ല, ദൈവങ്ങള്‍ക്കിടയിലും ടെക്നോളജി വളരെ ട്രെന്റിയാണ്) അങ്ങനെ ലിഫ്റ്റില്‍ കയറിയപ്പോള്‍ത്തന്നെ തനിക്കെങ്ങോട്ടാണ് പോവേണ്ടതെന്ന് മനസ്സിലാക്കാന്‍ വേണ്ടി മയില്‍പീലി കണ്ണിലെ ജി പി എസ് ട്രാക്കറിലേക്ക് ഉറ്റു നോക്കി. അപ്പോള്‍ ഫ്ലാറ്റ് നമ്പര്‍ 12B.

ലിഫ്റ്റിൽ "12B "എന്ന് കണ്ണന്‍ പറഞ്ഞതും അവി  ലിഫ്റ്റ് കയറിപ്പോകാൻ തുടങ്ങി.

ആ ഫ്ളാറ്റിന്റെ വാതിലിനു മുന്നിൽ നിൽക്കുമ്പോളാണ് കണ്ണൻ ആ കാര്യം ഓർത്തത്.(ദൈവങ്ങൾക്കിടയിലെ അദൃശ്യ പ്രോട്ടോകോൾ പ്രകാരം മനുഷ്യരുടെ മുന്നിൽ സ്വന്തം രൂപത്തിൽ  ചെല്ലാൻ പാടില്ല. അഥവാ  അങ്ങനെ ചെയ്താൽ തക്കതായ അച്ചടക്ക നടപടി നേരിടേണ്ടി വരും.അത് ഒരു യുവതിയോ കൗമാരക്കാരി യോ ആണെങ്കിൽ  സഹധർമ്മിണിയുടെ ചവിട്ട് കൊള്ളേണ്ടി വരും.പിന്നാലെ ഡിവോഴ്സ്സും കലികാലം!  ) 

 അപ്പോഴാണ് കണ്ണന് ഒരു ഐഡിയ തോന്നിയത്.. പെട്ടെന്ന് കണ്ണൻ പുതിയ രൂപം മാറി, പെട്ടെന്ന് ആ വാതിൽ തുറന്നു. കൃഷ്ണഭക്തയായ തന്റെ മുന്നിൽ കൃഷ്ണന്റെ വേഷത്തിൽ വിനീത് ശ്രീനിവാസൻ നിൽക്കുന്നത് കണ്ട് ഭാമയുടെ വായിൽ വീർത്തു വന്ന " ബിഗ് ബബൂൽ" അപ്പോൾ തന്നെ പൊട്ടി..

‌തന്നെ കണ്ട ആനന്ദത്തിൽ ഭാമയുടെ തലയിലെ കിളികൾ പറന്നു പോയി എന്നുമനസ്സിലായ ശ്രീ "കൃഷ്ണൻ ശ്രീനിവാസൻ പണ്ട് യശോദാമ്മയെ മണ്ണുതിന്ന  റിവൈവ് ചെയ്ത പോലെ "ഠോ" വയ്ക്കാൻ  തുടങ്ങിയപ്പോൾ തന്നെ  അവൾ ,"സോറി, നിങ്ങളാരാ പിരിവു വല്ലോം ആണോ? എന്ന് ചോദിച്ചതും കൃഷ്ണൻ ശ്രീനിവാസൻ ഒരു നഴ്സറിക്കുട്ടിയേപ്പോലെ  കരഞ്ഞു

"വിഷുവായിട്ട് എന്നെ വിളിച്ചു വരുത്തി പ്രാങ്കുന്നതിന് ഒരു പരിധിയുണ്ട്.ഇതു ഞാനാ കൃഷ്ണൻ, കേരളത്തിന്റെ സ്വന്തം ഗുരുവായൂരപ്പൻ! പക്ഷേ തന്റെ ഈ  ആടയാഭരണങ്ങളും ഗ്യാരണ്ടി കളറും കണ്ടിട്ടും  ഒരു ഭാവവ്യത്യാസവും ഇല്ലാതെ   നിൽക്കുന്നവളോട് സർവ്വജ്ഞനായ ഭഗവാൻ കൃഷ്ണൻ ശ്രീനിവാസൻ ചോദിച്ചു"കുട്ടി ശരിക്കും ആരെയാ  കൃഷ്ണാന്നു വിളിച്ചപ്പോ പ്രതീക്ഷിച്ചെ? അക്ഷരം മാറിയൊന്നും  ഇല്ലല്ലോ യേശു ക്രിസ്തൂനെയോ ...ഓ ഹൃത്വിക് റോഷനെ ആയിരിക്കും... വന്ന് വന്ന് പേരും  അപ്പിയറൻസിലും പോലും സിനിമാക്കാരോടും മറ്റ് ദൈവങ്ങളോടും മത്സരിക്കേണ്ട ഗതികേട്!! ഇങ്ങനാണേൽ അധികം താമസിയാതെ വഴിപാടും അവന്മാര് കൊണ്ടോവും " ഇത്രയും പറഞ്ഞപ്പോഴാണ് അവസാനത്തെ രണ്ടു വരി ഡയലോഗ് ഇവിടെപറയണ്ടല്ലോന്ന് കൃഷ്ണൻ  ഓർത്തത്.പക്ഷേ ആ പെൺകുട്ടി പറഞ്ഞ മറുപടി   കൃഷ്ണന്റെ തലയിലെ നീലക്കിളികൾ   ഒട്ടാകെ പറന്നു.. എന്റെ കൃഷ്ണൻ ഇങ്ങനെല്ല . മൈ കൃഷ്ണൻ ഇസ് മൈ ബേബി  ക്യൂട്ടീ പൈ.എനിക്ക് തന്നെ ബേബിയായി വേണം!!, 

‌ഇത് കേട്ട പാതി കേൾക്കാത്ത പാതി ഒരുപാട്   പെണ്ണുങ്ങളെ മയക്കിയെടുത്തു എന്ന ഗോസിപ്പിന്റെ ഇര മാത്രമായിരുന്നു  താനെന്ന് തെളിയിച്ചു കൊണ്ട് കൃഷ്ണൻ ശ്രീനിവാസൻ ഭാമയുടെ മുന്നിൽ ബോധംകെട്ടു വിണു...

‌പിന്നെ   മയക്കം തെളിഞ്ഞതും താൻ  ഭാമയുടെ കിടക്കയിൽ ആണ്  എന്നറിഞ്ഞപ്പോൾ കൃഷ്ണൻ അയാൾ കഥയെഴുതുകയാണ് സിനിമയിലെ  നായികയെ പോലെ പേടിച്ച് വിറച്ച് ഭാമയെ നോക്കി പേടിക്കണ്ട ഭഗവാനെ അങ്ങയെ ഞാൻ ഒന്നും ചെയ്തിട്ടില്ല

‌ഞങ്ങളിത്ൽ ചിലരെങ്കിലും  ഇപ്പോ തൊടണേൽ പോലും  അനുമതി ചോദിക്കൽ ആണ് മാന്യത.

‌ അവിടുത്തേ ബോധം പോയ  ഗ്യാപ്പിൽ എന്റെ തലയ്ക്കുള്ളിൽ നിന്ന് ഒരു സ്ത്രീ എന്നേക്കൊണ്ട് ഈ മയിൽപ്പീലി എന്റെ ഫോണിലേക്ക് പെയർ ചെയ്യിച്ചു.അത് അവിടുത്തെ സോൾമേറ്റായ ലക്ഷ്മി ദേവി ആയിരുന്നുഎനിക്ക് നടി അനുശ്രീടെ ശബ്ദം തോന്നി. ഇത് കേട്ട് ഭഗവാൻ നെഞ്ചത്ത് കൈവെച്ച് വിധാതാവിനെ വിളിച്ചു പോയി.പക്ഷേ,ഭാമ തുടർന്നു   ഞാൻ കാര്യങ്ങൾ പറഞ്ഞു മനസ്സിലാക്കാൻ പാട് പെട്ടപ്പോൾ ദേവി മയിൽപ്പീലി എന്റെ മുറിയിലെ കണ്ണാടിയിൽ തിരുകി വയ്ക്കാൻ പറഞ്ഞു  അപ്പോൾത്തന്നെ  അനുശ്രീടെ മുഖം ദേ ആ കണ്ണാടിയിൽ!

 ദേവിയാണ്  പറഞ്ഞത്  സിനിമാതാരങ്ങൾ നിങ്ങളുടെ ഇൻസ്സേലെ വീഡിയോ കോൾ ഫിൽട്ടർ ആണെന്നും ഭഗവാനെ ട്രാക്ക് ചെയ്യാൻ   മയിൽപ്പീലിയിൽ ട്രാക്കർ വെച്ചിട്ടുണ്ട് എന്നും.അതുകൊണ്ട് നമ്മൾ തമ്മിൽ പറഞ്ഞതും ഇവിടെ നടന്നതുമെല്ലാം  ദേവി അറിഞ്ഞിരുന്നു.പേടിക്കണ്ട എല്ലാം പറയാതെ തന്നെ  കോപ്ലിമെന്റ്സായി. നിർമ്മാല്യത്തിന് നേരമായി.വേഗം വിട്ടോ. എനിക്ക് ഇതെല്ലാം ഓർമ യുണ്ടാകില്ലെന്ന് ദേവി പറഞ്ഞിരുന്നു . ഏതായാലും  ഹാപ്പീ വിഷു.. 

                                         ശുഭം 

‌

‌

‌