എന്റെ ടെഡ് ടോക്കിലെ പ്രസക്തഭാഗങ്ങൾ !!! 1

എടോ എന്റെ ഇനിയുള്ള കാലം ഒരു ബഹിരാകാശ സഞ്ചാരിയുടെ ആകാശ നടത്തം പോലെ ശ്രമകരമായിരിക്കും, ജോലി കിട്ടുവോന്നും അറീല്ല, എല്ലായിടത്തും പടികൾ! കമ്പ്യൂട്ടർ സയൻസ് പഠിക്കാൻ മോഹിച്ച എന്നെ, ലാബിൽ ആസിഡ് ദേഹത്ത് വീഴും എന്ന് പറഞ്ഞു പറഞ്ഞു വിട്ടു വിദ്യാഭ്യാസ വകുപ്പ്! കൊമേഴ്സ് സ്കൂൾ ടോപ്പറായി സി ഐക്ക് ചേരാന് ചെന്നപ്പോൾ പരീക്ഷ തന്നെ എഴുതണം എന്നായിരുന്നു നിയമം! ഇഫ്ലുവിൽ വന്നപ്പോൾ ഇംഗ്ലീഷ് ഭാഷ കുടിച്ചു വറ്റിക്കാം എന്ന വ്യാമോഹം! അത് അതിമോഹമായിരുന്നു ദിനേശാ, ദിനോസർ ആവണമെന്നുള്ള ഉറുമ്പിന്റെ ദിവാസ്വപ്നം,ജിബുവിൻ്റെ, നായിക്കിന്റെ, രാജീവിന്റെ ഒക്കെ മുൻപിൽ നമ്മുടെ തലച്ചോറിന് കടലവലിപ്പമേ ഉള്ളൂ എന്ന് തോന്നിയിരുന്നു!
ഇൻസ്റ്റയിൽ എഫ് ബിയിൽ പിള്ളേർ എഴുതുന്ന സാധനങ്ങൾ മനസ്സിലാവാതെ ഗൂഗിൾ ചെയ്യുന്ന സീനിയർ! കാർട്ടൂൺ നെറ്റ്‌വർക്കിനപ്പുറം ഒരു ഇംഗ്ലീഷ് കുട്ടിക്കാലത്ത് ആവശ്യം വന്നിട്ടില്ല.ക്ലാസിക്കുകൾ സജസ്റ്റ് ചെയ്യുവാൻ ആരുമില്ലാതെ പാഠപുസ്തകങ്ങൾ മറിച്ച് വായിച്ചു പഠിച്ച കുട്ടിക്കാലംഫിസിയോ തെറാപ്പി എന്ന സൈനിക പരിശീലനത്തിനിടയിൽ കണക്കും ചരിത്രവും, സാമുഹ്യ പാഠവും മറന്നിട്ടുണ്ട്, ഹോംവർക്ക് ചെയ്യാത്തതിന് മാപ്പപേക്ഷ എഴുതീട്ടുണ്ട്,പഠിച്ച് മരിക്കാൻ താൽപ്പര്യം ഇല്ലാത്തതു കൊണ്ട് ഒരു"സിവിൽ സർവീസ് സെലിബ്രിറ്റി"ആയില്ലവീട്ടുകാർ ഒടക്കുമ്പോൾ പറയുന്ന ഒരു കാര്യമുണ്ട്.നിനക്ക് ജീവിതാനുഭവമില്ല, വികാരങ്ങൾ നിയന്ത്രിക്കാൻ അറിയില്ല എന്ന്.സത്യമാണ് പിറന്നു വീണപ്പോൾ മുതൽ, നൂറായിരം തവണ നടന്നില്ലെങ്കിൽ പിന്നെ ജീവിതമില്ല, പെട്ടെന്ന് നടന്നോ! എന്ന് പറഞ്ഞു പേടിപ്പിക്കാൻ ആളുകൾ ഉണ്ടായിരുന്നു.ഒരു പുസ്തകം തന്ന് വായിക്കാൻ പറഞ്ഞില്ല ആരും

യാത്രകൾ, ശർദ്ദിലിന്റെ ആരോഹണാവരോഹണങ്ങൾ,അമ്മ എന്തൊക്കെ ചെയ്താലും. ഞാൻ ശർദ്ദിക്കും, കരുതലിന്റെ വിപരീതങ്ങൾ കാറിലെ എയർ ഫ്രഷ്നറിനോടും, അമ്മയുടെ പൗഡറിനോടും, അച്ഛന്റെ ഒറ്റമൂലികളോടുമുള്ള എതിർപ്പ് തികട്ടി വന്നിരുന്നു , പക്ഷേ ചങ്കുകളോടൊത്തുള്ള യാത്രയിൽ ഒരിക്കലും ജലദോഷം പോലും ഇല്ലായിരുന്നു.